...::!:: لـحــظـة مــشـاعــر ::!::...
عزيزنا الزائر انت غير مسجل لدينا يسرنا انضمامك الينا



 
الرئيسيةمكتبة الصورالتسجيلدخول

شاطر | 
 

 """"الجرح طاب""""

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هنــــــــــو
●{مـراقبـه عـامـه ~
●{مـراقبـه عـامـه ~
avatar

الجنس : انثى
عدد المساهمات : 84

مُساهمةموضوع: """"الجرح طاب""""   10/4/2010, 10:04 pm

صباح \\\\ مساء الورد والحب

سـ تكون هُنا .. أجمل قصايد العذب إياد الـ مريسي

شاعر جميل ومفرداته عذبه لـ حد الدهشه

ـأتمنى ـأن ترتقي لذائقتكمـ





وش أخباري ؟!


على حطة يدك
من آخر ما سمعت اسمي من شفاتك
ولبّيتك ..
شرقت بـ "هاه"
يا لبا عروقك وضحكاتك ؟!

غريبه !!

ترا توي انتبهت اني من البارح
وانا ماني معي ؟!
سارح !!
احس ان البشر حولي مجرد ناس
و "احس" <=== هذي بليا احساس!!

اووووووف!!تعال وخذ عيوني واعطني شوف
حفظت الدروب اللي نهايتها عيونك
ونسيت اضحك
نسيت افرح
ونسيت احلم
وش اللي بذكره يا بعد عمري بدونك ؟!


من ليلة أول ما تلاقينا
بلا موعد ..
رسمنا للوعد مركب
وللمركب بحر وامواج
وهاج الشوق..فينا هاج
وجدفنا بأغانينا
واخذنا برحلة هـ اللقا
حلمٍ تثرثر به امانينا
رسمنا كل هالدنيا حوالينا
.
.
ونسينا نرسم المينا!!




على طاري الفراق اللي كتبته عنك بأشعاري؟!
وش اخباري؟!
الين اليوم تتخيل لقانا كيف؟!
انا رتبت كل اللي بقول وكيف ..
جلست احسب سنيني
مـ بين الشوق والذكرى
وراحت الذكرى مع ذكري
.
.
.
وما بقى بكرى!!











يموت من الوجع شاعر ولا تموت المشاعر فيه
.................. واخاف أموت في الغربه ولا تدرين عني مت



[size=16]صحيح اخطي ومن حقك تقولي كل شي راضيه
..................ولكن اسألك باللي جمعنا لا تقولي خنت



قسم بالله يرعبني فراقك رعب...لا تطريييييييييه
..................وقسم بالله قبل اللي كتبت الحين ما قد خفت



احس البرد يمضغني واعرف البرد ما تقويه
..................امانه لا تخليني اعيش الخوف يكفي عشت:


سنيني كلها بين القصايد والبكا والـ هيييه
..................مـ غير احسب وش اللي ضاع مني بالدموع وصمت


سواليفي كثيره بس الاكثر ما بعد شفتيه
..................كثر ما مرني من ضيم في عمري وما قد شفت


اخذني الحزن من يدي وهدهدني على كفيه
..................وعلى غير البكي واللي جمعني فيك ما قط نمت


تري قبلك تصنع قلبي الفرحه وهي تنفيه
..................قسم بالله لو تدري كثير اللي لهم افرحت


لقيتك يا بعد عمري مسافة درب قلت امشيه
..................وركضت اجمع لك احلامي من دموعي ولا وقفت


كثير اغفى عشان احلم تقولي لي :احبك ايه
..................واقوم اعاتب عيوني وانازعها عشاني قمت


اذا قبلك تعلمت الوفا والصدق اخونك ليه ؟!
.................. اخون شلون يا عمري وانا عمري ابد ما خنت؟!
[/size]




في غيابك..ما أبيني









في غيابك يا حبيبي
انا ........!!!!!!!
صرت ما اعرفني!!
مو انا!!!
.
.
في غيابك
كل شي حولي غريب
كل شي فجأه تغير
الاماني جايعه
والليالي ضايعه
المسا ما عاد المسا
وكان ذاك الفرح يركض
ومر من جنبي.. تجاهلني
ما عرفني!!
او نسا!!
.
.
في غيابك
ما أبيني..
وجا غيابك والحزن والدمع وآهاتي وبرد الانتظار
واستغلوا غيابك
والعبوا فيني
.
.
قبل ليلة هـ السفر...
يومك تسولف عن سفرك الطويل
قلت لك: لا تخليني..بخاف..
وقلت لي: (لا تخاف)
وبعد ليله من غيابك
يااااه...شايف؟!!
شايف كيف خايف!!
.
.
في غيابك..
ممتلي صدري وله
ما بقي لي غير هذي الاسئله:
من يضمك؟!
بربّك...من يغني لك كل اغاني العشق.ويختمها :بـ أحبك؟!
من يهدد صوتك الغافي ؟!
ومن يشمك؟!
ولي تمكن هالتعب من عيونك..
من يداعب شعرك؟!
ومن يلمك؟!
.
.
في غيابك...
تدري شـ أكّثر شي يذبحني؟!
اني كل ما المس صدري المملي حنين
أكتشف انك اناني!!
لاني اسمع صوتك المجنون يصرخ بي :
(شيل ايدك..لا!!..هذا مكاني).
.
في غيابك
تدري اني كنت اسولف عن غيابك للصور؟!!.
وتدري ان قلبي سألني؟!
وما عرفت اي شي عنك
.
.
آآآآآآآآه منك
.
.
في غيابك
انا ........!!!!!!!
.
.
.
.
من انا؟!!!
.
.



في غيابك..ما أبيني










:





درب..درب
.
.
.
.

لحظه!!









لحظه!!








لحظه!!





لحظه !! تنحنح قبـل مـــا تدخل القلب
................................. يمكن بقـايا اعــروق شوقـــي عرايا





صوّت لعـــــوجٍ ضامـــها فرقتك :




درب




درب







................................. خطـّي برجــلك وانتبــه للـ ش ظ/ا/ي/ا



شف جــرحي المنهـك وانـا بزعمني (صلب)
................................. واسمـع فديتك ..نــوح كل الزوايا



لا ينكـ/سر خاطــر عنادك بلا .. ذنب ؟!
................................. لا شــوف دمعة هــالاســـف يا منايا



العاشق اللي ينكـوي نعرفه (حَب)
................................. تبـوح خفقاته بكـل الخفايا




آسف !!قطعتك؟!! بـس انا مغرمك صب
................................. واصـل طريقـك ...لين جال الحنايا



فتّش عن أي شي غير هالشوق لك ..جنب:
................................. قبـرٍ حضن (طعنه/ودمع/ وخطايا)



والله لـو لا القلـب يـا خفقة القلب!!
................................. ما شفت دمعاتي بوجه المرايا !






* كلهم ع الَـ هامش في إنتظارك ،
لـ يطول الغياب







أبكي من الضيقه على صدر الأوراق
....................وآحس غير الناس دمعي حقيقي




عوّدت خاطر خاطري كلما ضاق
....................اجلس اواسيني وكني رفيقي




آغص بـ أول حرف من كلمة (أ)شتاق
....................كن الوجع حلقي /لساني/وريقي




مجنون أدور ضحكتي وسط الأسواق
....................واشحذ صبر كلما طعني صديقي




دوم اسكبك يالحزن حاني ورقراق
....................ومن غيرك انته!! ما يشوفوا بريقي




بي (لا) غريبه !!..تختنق بين الاحداق
....................مدري اشتبي اكثر ؟!وصمتي حريقي !




استاهل اكثر ما يجيني من احراق
....................يعني شْيصير ان صحت: بس!! استفيقي ؟!




مبطي وانا اكتب في قصيدي (الاشواق)
....................ليني (تفلت) الشوق...من حلق ضيقي





يا مضيق بعيني مساحات الافاق
....................لى مات صوتي !!..وش اسوي برفيقي؟!



هذه حكاية ضيقتي فوق الأوراق
....................جيت ولقيت الـ(آهـ) تعرف طريقي





خذ يمين الجرح في صدري الجريح...زز......
وانتبه من آخر دروب الجراح



ولو لمحت لحلمنا الوردي ضريح............
أسأل دموع اليالي كيف طاح ؟!

سو نفسك منصدم..أبكي وصيح............
مـثّل ادوار البريئ المستباح

صيح:
لا!!
ما مات!!..
لا!!
ماهو صحيح!!
مستحيل
انه يخليني
وراح!!

ولـ اسألوك الناس عن دم الذبيح..........
بكل برودك قول: مو كافي استراح؟!

يعني انت الحين بعدي مستريح؟!..........
واتّهنى كل ما مرك صباح؟!!

وآنا بـ احضان البكى عاشق طريح.........
ما تحس بحرقتي غير الرماح
.
.





لـ قلوبكم























الرجوع الى أعلى الصفحة اذهب الى الأسفل
همسة غلا
●{صاحبة الموقع ~
●{صاحبة الموقع ~
avatar

الجنس : انثى
عدد المساهمات : 943

مُساهمةموضوع: رد: """"الجرح طاب""""   27/4/2010, 6:54 am

أبكي من الضيقه على صدر الأوراق
....................وآحس غير الناس دمعي حقيقي
هنـــو
تسلم يدينك كلامات أكثر من رائعه وطرح مميز كعادتك





























الرجوع الى أعلى الصفحة اذهب الى الأسفل
http://mhm22.yoo7.com
 
""""الجرح طاب""""
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» شو بدنا نساوي العمر رايح " أغنية غآية بالحزن "
» سأبقـى " أُنثـى من حريــر "
» الفيلسوف والشاعر العظيم "رابندرانات طاغور"
» صور قوم لوط "ولقد تركناها آيه"
» طبخة سريعة و كتييييييييير مفيدة و طيبة لآخر حد"صينية بروكلي و فطر"

صلاحيات هذا المنتدى:لاتستطيع الرد على المواضيع في هذا المنتدى
...::!:: لـحــظـة مــشـاعــر ::!::... :: ·:*¨`*:· المنتديات الأدبية ·:*¨`*:· :: ●{بَـــوٌحً القًلـــــمَ ~-
انتقل الى: