يا حظ تكفى طلبتك لا تجافيني
اقعد بصفي طلبتك بس هـالمره
ماعاد باقي دمع ما طاح من عيني
وآنا اتصبر واسب العيشه المره
يا قلبي الوافي امانه لا تخليني
تعبت من كبر الهموم بقلب يا صغره
الى متى يا هم تبقى مخاويني
خوه عزيز على الكسرات يا جبره
ابيه يبعد ولكن مو موحيني
وخف صوتي معاه وخفت النبره
ياهم تكفى ترا الي في كافيني
ماعاد فيني استطاعه حمل يا كبره
لامن سليت النهار بالضيق يمسيني
ولامن سليت المسا قابلني من كره
لاصار صدري وطن الهم معطيني
جيش الهموم وجنوده بكامل الخبره
اقسم برب الذي خالقني من طيني
ماعاد تفرق معي ولا حركت شعره
والحين دامه تحدي بينك وبيني
هذا جوابي كتبته في طرف شطره
لا ضاق صدري وهمي جاي حاديني
وقفت قدامه وجالس وحدي انتظره
هذا قصيدي كتب من حر ما فيني
والقلب والله فلا هو منتهي صبره
منقوووووووووووووووول
موضوع: الى متى يا هم تبقى مخاوينى 
16/5/2009, 12:56 am
