قصيده خلف المشعان للشاعر فيصل الطواله

بسم الله الرحمن الرحيم

بعد ان استبعد الشاعر المتألق(فيصل الطواله)

ارسل إليه الشاعر(خلف المشعان) هذه القصيده

وكذلك رد عليه الشاعر فيصل..

ولكم القصيدتين

خلف المشعان :

لنك ( قريب ) من التألق والابداع = صرت البعيد من ( القريب ) امعكوسه

تستبعد بحكم ( الأئمه ).. بالاجماع= لن الأئمه .. بالذنوب .. مغموســه

كف الشعر تشحذبها ( خمسة اصباع )= وراعي الفلوس ..... يقدمنه .. فلوسه

صارت قبايلنا .. ضحيه للاطمـاع= وهذا الزمن .. ( معروف منهي ) ... بسوسه

مايزعلك ( يافيصل ) الحق لاضاع = يزعلك ليه الناس .. منك .. محموسه

ماكن ربي ... خالقٍ فيهم .. اسماع = يوم القصيد العذب .. دنت هجـوسه

يعني لأنا نرفــض نكون أتباع = وجه الزمن يعلن .. علينا عبوســه

والا لأن صدورنا دايم وســاع= صارت يديهم ... بالحلوق .. مغروسه

لا والله الا نضيق ونضيّق القاع=والضرس يخلع لاعثت فيه .. سوسه

ما يقدرون اقناعنا .. نلبس اقناع=لن اللحى حدر القناع .. مهلوســه

ان كانها بالباع ، حنا هل الباع=نشعل فتيل الحرب ... دحه .. وهوسه

اطلق سراح اللي تقرقع بالاضلاع =أبطت شياهــين القصيد ، محبوسه

خبري بك انك ماتزعزع .. وترتاع =وبنات فكرك .. ماضرت .. للعنوسـه

قم بدل اوضاع الجماهير باوضاع =الشعر مثلك .. مايدور ... طقـوسه

لنك قريب من التألق والابداع =تبقى لجماهيرك ( ق ري ب ) امعكوسه

[/poem]

[ رد (فيصل الطوالة)

مثل البحر باالظبط , فضاءك شراع=يقوس فكرك , ماعجزنا نقوسه

ياسبع ( يامجندل من خصومك ) سباع =من سيرتك ( بعض القلوب ) مهروسه

دكتور من في راسه المغلق صداع=عندك ( دهاة الشعر ) تبتاع كوسه..!

أسد , ولامن حولك تزمجر ضباع =وأطلق ( ضباع الشرق الأوسط ) تحوسه

فينا شبه , وإن إختلفنا باالأطباع=نرفض حما العز , المذلة تدوسه..!

للمبدعين , أمثالك أجيب , وأنصاع =وشطارة الجرّاح , من وقع موسه

وألا القبايل ( ياخلف ) شركة إقطاع (= ومقامر الأزلام ) حنا مكوسه ..!!

تاريخنا الحافل ( خيانات , وصراع )=رواته ( أشباه الرجال , البلوسه )..!!

تسيدوا ( حضارة العصر ) صنّاع= (وتصحّر الأعراب ) سبت طعوسه..!

أسمائنا / تُشرى على شان ننباع=وطرشان زفتنا (عيال العروسه)...!!

لاتعلّم الملتاع , وشلون يلتاع=(زفرات فكري ) يااللبيب , محسوسه..!

تطلبني الفزعة , وأنا أحتاج فزّاع=في مجتمع ( أذنابه اليوم روسه )..!!

شبعان مثلك , وأكثر العالم جياع=والفقر ( تطحن مجتمعنا ) ضروسه..!!

نبقى رغم ( دونية الساحة ) ارفاع=لو ان وقوف الحظ سبت جلوسه

(ونعل العراقي) تعتبر طولة ذراع=ويستاهل (الخشم الأبي) من يبوسه> cheers

>>>>>>>>>

وسلامتكم >>>>

صح لسان خلف وصح لسان فيصل

وهذا ماهو شاعر المليون هذا شاحذ المليون
وماراح فيها الا القبايل على قولة خلف
صارت قبايلنا .. ضحيه للاطمـاع= وهذا الزمن .. ( معروف منهي ) ... بسوسه

فارسيه تسلم اناملك على النقل
ولاتحرمينا من جديدك

دمتي بخير

فااااارسيهأ
يسلموووووووووو ع انقل

<<<< من زمااان مقاطعهـ شاعر المليون

خفت اكرهـ الشعر بسببهـ

صح لسان الشاااعر
وتسلم يمين النااااقل

ههههههه

يسلموووووووووووووو

مفااااااااااااطعه للدنمارك >>>> اوه ضيعت >>>>> شحاذ المليون خخخخخخ