قصه رائعه جدا ًوفيها هدف
وكل لبيبٍ بالإشارةِ يفهمُ
كان في سعودي و كويتي زملاء يدرسون في بريطانيا وصارت بينهم صداقة كبيرة جداً
وبعد انتهاء فترة الدراسه قرروا يرجعون لاهلهم
فقال الكويتي للسعودي
قبل ما تروح للسعوديه تعال معي للكويت و بعدها رح للسعوديه فوافق السعودي وهم في الطيارة رايحين للكويت دق اخو الكويتي من الكويت وقال له ان جدتي توفت!! فقال الكويتي لأخوه انا معي زميلي من السعوديه وعازمه فلا تقولون له شي حتى ما يضيق صدرة ولا أحرجه وبنصلي على الجنازة وكأنها لاحد من جماعتنا
لما وصلوا
صلوا على الجنازة وقعد السعودي له مدة في الكويت اعجب ببنت جيران الكويتي و قال لزميله اني ودي اتزوجها! ففرح الكويتي وقال انا مستعد اخطبها لك و فعلا خطبها له وخبر السعودي اهله وسوو الزواج ورجع السعودي لديرته..
واشتغلوا الاثنين بالتجارة وكل واحد في ديرته..
وبعد مدة طويله كبرت تجارة السعودي وصار تاجر وغني جداً، والكويتي خسر كل امواله وتجارته!!
فقال الكويتي مالي إلا اروح لصديقي السعودي اكيد بيساعدني..
وفعلا راح للسعوديه وهو منتظر شوفة صديق الدراسة وصديق العمر بفارغ الصبر.. لما سأل عنه ووصل لبيته صار مو بيت صار ساكن في قصر وعرف إنه صار تاجر كبير وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا و بعد مارجع البواب عطى الكويتي شيء من عشى السعودي
تخيلوا !!
فتضايق الكويتي
وقال هذا جزاء الصداقه!!
المهم
وهو راجع في الطريق لقى اثنين من رجال الاعمال يتراهنون على مليون وقالوا اللي بيجيهم أول شي بيعطونه المليون وكان من حظ الكويتي انه هو اللي جاهم الاول واخذ المليون و تاجر بالفلوس في السعوديه وقبل ما يرجع للكويت لقى عجوز معاها بنت وقالت له العجوز ابي اخلي البنت عندك واروح احج وإذا مارجعت تزوجها وخلها عند ك ولما طولت العجوز، عقب قرر يتزوجها وسوا حفله الزواج بالكويت وفي اثناء الزواج، كان من ضمن المدعوين زميله السعودي ولما شافه الكويتي عصّب.
وقال للحضور اطردوه هذا خاين العشرة والصداقه تخيلوا انه لما جا معي للكويت وكانت جدتي ميته ما علمته عشان مايضيق صدره عليْ وخطبتله بنت الجيران اللي كانت في الأساس خطيبتي وفضلته على نفسي ولما جيته محتاج عطاني فضله عشاااااه
تدرون وش قال السعودي؟؟؟؟
قال اسمعوا واحكموا علي
يوم جاني الكويتي وهو محتاج ماحبيت اشوفه على حالته هذي عقب ماكان تاجر وكبير والحين صار صغير ومحتاج واتفضل عليه بشي من عندي عشان كذا عطيته من عشاي!!
وبالنسبه للتاجرين اللي متراهنين على مليون هذولي اخواني انا مروحهم له عشان يفكون ضيقته!!
أما با النسبه للعجوز اللي معاها البنت فهذي أمي والبنت هذي طبعا اختي
وش رايك ما احضر زواج اختي؟